Zindagi Shayari

Mere maseeha mere dost o ahbaab saare.
Tod daale inhone he mere khwaab saare.

Bhool jao wo haweli, ab apni ana bachao,
Dene lage hain ab to tumko jawaab saare.

Ghalti hui k tumko apna samajh ke paala
Hoshyar kya hue ke mang rahe hisaab saare.

Itni ranjishen to raqibon me bhi nahi hoti,
Jabki tum to bulate they  bhai sahaab saare.

Mere dil pe Jo Gujarti hai wo tum kya jano
Tum to leke aagaye wasiyat ki kitaab saare

"Uves" ye uljhan ab kaise suljhegi batao
Sawal batate nahi aur mang rahe wo jawaab saare

Romantic Shayari

Tumse bichadte to sare armaan kho dete.
Ek tumko hee nahi sara jahaan kho dete.

Milne ko to mil gai bulandi thodi bahut ,
Aur bulandi tak jate gar apna imaan kho dete.

isliye khud se juda kar diya usko khud hee,
Uske sath gar rehte to apni pehchaan kho dete

Meri baton se kai log zinda dili seekhe hain,
Me gar kuch na kehta to wo apni jaan kho dete.

Achcha kiya Jo ap meri batai rah par chale,
Warna ap pairon se zami sar se aashmaan kho dete

"Uves" dil ka khel zara soch samajhkar khelna,
Kyunki aksar log is khel me apni muskaan kho dete.

Paigaam Shayari

Paigaam Shayari